parece-me ber, por estes dies, ua risa ne l uolhos de ls comentadores, esse mais nuobo oufício de la fala: a la bezes, sien saber cumo, sinto l grasno de cuorbos pula cierta seinha de cheiro a muortos: tanta palabra ambalde cuorren nua mundiada que mos bai lhebando i afogando, sien silba a que mos agárremos.
Abril 2, 2011
fuontes de l aire 
Abril 3, 2011 at 10:45 am
Tenes rezon. Léria nun falta, l que falta ye açon: Ne ls comentadores, no goberno, ne ls políticos de la oupsiçon, ne l presidente, ne l pobo, an todos nós anque nun admítamos. Todo mundo habie de fazer sou ato de mea culpa…
Un beiso,
Delaide
Abril 3, 2011 at 11:06 am
Somos specialistas an falar, mas deixando-mos quedar de fuora: son siempre outros que ténen de fazer algo, son siempre outros que ténen la culpa, son siempre outros que ténen de mos dar la teta, nós nunca cabemos nessa cuonta.
Nun fazemos nien respundemos de modo sério a la pregunta: que fiç you? que puodo fazer you?
Ye siempre tiempo de ampeçarmos por essa punta.
beisico