[soneto al alrobés]

son poemas que te aguántan
esta tarde delorida i de silenço,
an que de l camino se bei l fin:

talbeç outros ls léian i sous
ls fágan quando tues palabras
séian la scalada adonde chúben:

se naide ls lir, la malzina que
te dórun sola bonda pa
tous males, outra casa
talbeç nunca chegues a fazer;

nunca te cánsen las palabras,
que sous sentidos bólen
por nuobos cielos: se tu las
antendires, ganhórun yá la jeira.

Advertisement