quei le poderie pedir a la bida que nun dependira de mi, prato regado a sudor? afuora esso queda la salude, talbeç aquel ajuntar de muitas cousas nua sola a que le questúman chamar suorte, adonde siempre la nuossa, inda que nana, parte entra; nun pára la biaige a cada die, sien çtino marcado, pura nabegaçon de cabotaige inda quando ls suonhos práinan de alas abiertas puls altos cielos de l feturo: qual ye la borda que tomamos cumo referéncia para alhá de nós mesmos? bibir, sien mais, ye esso ua fertuna tamien de mi colgada, para alhá de l sangre i de l resfuolgo, para alhá las manos que eiqui screbíben na lhinha de sues azules benas.

Advertisement