almorceste berduras an molho de soledade,
ne ls beiços nin rastro dun beiso,
nas tetas nin raiç d’óndias de calor,
lhágrimas retenendo ls uolhos até al cristal,

l cuorpo todo noutro tiempo loinge
l spácio oupido an grima dua faia:
bai i sal de ti, dessa cierta medida
an que te miras, que te spera l mundo

la boubica que te quieres ser i nun cunsigues:
todo miedo al queimor de la lhibardade,
tanto, que nin sue raia pisas… speras
por alguien, mas sós tu que nunca chegas.

Advertisement